Langisandur fyrir alla.

Markmiðið með samkeppninni er að fá hugmyndir um framtíðarskipulag svæðisins í heild sem tengir m.a. strandsvæði, skólasvæði, framtíðar uppbyggingarreit og hafnarsvæðið. Þetta er stórt verkefni um dýrmætt svæði og því mikilvægt að kalla eftir skoðunum flestra. „Við viljum hefja þessa vegferð og skapa svæði sem mótast af vellíðan og heilsu fyrir alla notendur og skiptir okkur máli að fá íbúana með í lið en þetta svæði er okkar svæði“ segir Sævar Freyr Þráinsson bæjarstjóri.

Apríl Arkitekter, Kanon Arkitektar og Landmótun sf. ásamt Sei Stúdíó eru þau þrjú teymi sem taka þátt í hugmyndasamkeppni um skipulag og hönnun Langasandssvæðisins á Akranesi.

Í keppnislýsingu segir meðal annars:

„Gert er ráð fyrir að ein tillaga verði valin til verðlauna og fái aukalega greitt kr. 1.000.000 án vsk. Akraneskaupstaður stefnir að því að ráða vinningsteymi til að vinna deiliskipulag fyrir svæðið".

Við hátíðlega athöfn föstudaginn 24. september var tilkynnt um niðurstöðu dómnefndar í hugmyndasamkeppni um Langasandssvæðið á Akranesi. Þrjú teymi voru dregin í forvali í febrúar síðastliðinn og hófst samkeppnin formlega í lok mars. Þau teymi sem tóku þátt voru April Arkitekter, Kanon Arkitektar og Landmótun sf. ásamt Sei Stúdíó.

„Svæðið Langisandur er svæði okkar allra og ekki hægt að framkvæma þessa samkeppni nema í fullu samráði við íbúa. Þessi aðferðafræði okkar í samkeppninni hefur vakið athygli annara sveitarfélaga til eftirbreytni við að auka íbúalýðræði og samráð, þetta er okkar hjartans mál“ sagði Sævar Freyr bæjarstjóri.

„Langisandur er svæði sem er í eigu íbúa á Akranesi og er það einlægur vilji Akraneskaupstaðar að halda áfram uppbyggingu á því svæði í sátt og samlyndi íbúa og náttúru. Hugmyndir tveggja teyma um þéttingu byggðar voru helst til of miklar en dómnefnd var sammála um að slík uppbygging væri álitlegur valkostur og þyrfti að útfæra hana betur með framangreind atriði í huga“ sagði Ragnar B. Sæmundsson formaður dómnefndar.

Drög að verksamningi við Landmótun og Sei studio varðandi deiliskipulag við Langasand og Sólmundarhöfða.

Samkvæmt leit á akranes.is þá er þetta eina fundargerðin þar sem minnst er á þennan verksamning.

Skagafréttir eru fyrstir með fréttirnar af hugmyndum um hótelbyggingu og baðlón við Langasand.

Þar kemur fram að Ísold fasteignafélag hefur ráðið Basalt arkitekta sem hönnunaraðila verkefnisins.
Ekkert er minnst á að Akraneskaupstaður var áður búinn að samþykkja að gera drög að verksamningi við Landmótun sf og Sei Stúdíó varðandi deiliskipulag við Langasand og Sólmundarhöfða.

„Ánægjulegt hefur verið að finna í samtölum að ríkur vilji er til að tryggja aðgengi íbúa Akraness og gesta að strandstígnum og hinni einstöku náttúrufegurð sem er á svæðinu“ segir Sævar Freyr Þráinsson bæjarstjóri af þessu tilefni.

„Skóla- og frístundaráð fagnar framkomnum hugmyndum um uppbyggingu íþróttamannvirkja og heilsutengdrar ferðaþjónustu við Jaðarsbakka. Skóla- og frístundaráð leggur til við bæjarráð að gerð verði viljayfirlýsing við málsaðila varðandi uppbyggingu á svæðinu..“

Engin nefndarmanna gerir athugasemd eða bókun um málið.
Athygli vekur að bæjarstjóri situr þennan fund einungis undir þessum eina lið.

„ÍA og KFÍA óska eftir heimild bæjarins til að eiga viðræður við nefndan aðila með það að markmiði að leggja fyrir bæjarstjórn tillögu að skipulagi og drög að samkomulagi um hvernig koma megi því skipulagi til framkvæmda“

„Bæjarráð felur bæjarstjóra að vinna að gerð viljayfirlýsingar vegna hugmynda um uppbyggingu íþróttamannvirkja og heilsutengdrar ferðarþjónustu við Jaðarsbakka með fulltrúum Ísoldar fasteignafélags, Íþróttabandalags ÍA og Knattspyrnufélags Akraness.
Samþykkt 3:0“

Af einhverri ástæðu fjallar bæjarráð aftur um málið og kemst að sömu niðurstöðu að láta bæjarstjóra taka málið lengra.
Formaður dómnefndar í samkeppni um skipulag Langasandssvæðisins Ragnar B. Sæmundsson situr þennan fund og greiðir atkvæði með tillögunni.
Enginn bæjarráðsmaður sér tilefni til að gera athugasemd eða bókanir varðandi þetta mál.

Göngustígar og umgengni íbúa um svæðið er tryggð og gera má ráð fyrir að hún verði eins og best verður á kosið.

"Mikil áhersla verður lögð á samráð og samtal við bæjarbúa og hagsmunaaðila."

Það er nokkuð ljóst að þetta verkefni verður ekki stöðvað.